UMASIPALA WETHEKU UTHI UPHEZU KWAYO INKINGA YAMANZI

UMasipala weTheku uthi usebenza ubusuku nemini ukulungisa inkinga yamanzi ekhungethe izingxenye ezithile ezingaphansi kwawo. Ezinye izindawo ezise Nyakatho yeTheku kubikwa ukuthi sekuphele isikhathi esingaphezu kwesonto zingenawo nhlobo amanzi.

Sekuhlonzwe uhlobo oluthile longwengwe ukuthi ilona olubangela lenkinga njengoba luvale amapayipi nezihluzo zamanzi. I Meya yaloMasipala, u Mnu. Cyril Xaba, ithi sebekhiphe izimoto zamanzi ezingamakhulu amabili namashumi amabili nesishiyagalombili ukuthi zihlinzeke lemiphakathi ethikamezekile ngenxa yalesimo. Uthi ithimba labo elibhekele ezamanzi,lisebenza ngokukhulu ukuzikhandla ukuzama ukulungisa lenkinga futhi banethemba lokuthi isimo sizobe sesibuyele kwesijwayelekile lingakapheli isonto.

U Xaba unxusa bonke abantu ukuthi balekelele ngokuthi bawasebenzise ngendlela amanzi, bawonge, ukuze kuzonqobeka lenkinga ekhona.