UMLANDO OPHILA NOKUKHUBAZEKA ENQOBA ESIKA MISS SA

Kuqopheke umlando e SunBet Arena ngoMgqibelo, ngesikhathi u Mia Le Roux, ophila nokukhubazeka, enqoba isicoco sokuba u Miss South Africa. U Mia odabuka e Western Cape, akezwa emadlebeni nokuyinto eyamqala eneminyaka eyisishiyagalolunye ubudala.

Ukuphila nokukhubazeka akuyivimbi lentokazi eneminyaka engamashumi amabili nesishiyagalombili ubudala ukuthi ifeze amaphupho ayo njengoba nakwezemfundo ingazibekile phansi. Kumanje ineziqu zase Nyuvesi futhi ayimile lapho njengoba imatasatasa nokuphothula ezinye iziqu.

Ephawula kafushane ngokunqoba kwakhe,u Mia uthi unethemba lokuthi kuzokhuthaza nabanye abaphila nokukhubazeka ukuthi bavuke bazithathe, bafezekise amaphupho abo.