UMLILO WEQUBULA UDLULE NOMPHEFUMULO WOYEDWA E MLALAZI

UMnyango we Zokubusa ngokubambisana kwaZulu Natal uthi umlilo wequbula ohlasele izingxenye ezahlukene zesifundazwe, udlule nomphefumulo woyedwa endaweni yase Mlalazi. U Mphikeni Gazu oneminyaka engamashumi ayisithupha nesikhombisa ubudala, kuthiwa kuthiwa wayesendlini yakhe e Zinyosini ngesikhathi kugasela lomlilo onamandla,ucekela phansi yonke into.

Okhulumela lo Mnyango u Senzo Mzila uthi isifunda sase King Cetshwayo singezinye zezindawo ezikhahlamezeke kakhulu ngenxa yalomlilo. Ku Masipala wase Mlalazi nje uwodwa ,kuthinteke izigceme eziyishumi nanye, kwacekeleka phansi imizi engamashumi amabili nesikhombisa, abantu abangamashumi amahlanu nantathu basala dengwane.

U Mzila uthi basebenza ngokuzikhandla ukuzama ukusiza abakhahlamezekile. Uthi ngokubambisana nezinhlaka ezahlukene, sebeqalile ukuhlunzeka ngezinto ezifana nezikhungo zesobho.