UMNDENI UYAYICHITHA EYOKUSHONA KUKA PRAVIN GORDHAN

Umndeni waloyo awayengu Ngqongqoshe weZezimali kuleli, u Pravin Gordhan, uyawachitha amahlebezi asabalele ezinkundleni zokuxhumana, okuthi akasekho emhlabeni.

Okhulumela umndeni, u Adrian Lackay, uthi lamahlebezi awalona neze iqiniso. Uthi u Gordhan usesibhedlela lapho ethola khona ukwelashwa okusezingeni eliphezulu. Uthi umndeni uyabonga ukwesekwa okutholayo kodwa ucela ukunikezwa isikhathi sokuthi ubhekane nalesimo ngokuthula. Akukho akuvezile ngokuyikona okumphethe,nokuholele ekutheni agcine engeniswe esibhedlela.

Ebusuku bayizolo, abantu abazwelana nalomndeni babambe izinkonzo eGauteng nakwaZulu Natal, bekhulekela ukuthi u Gordhan alulame ngokushesha.