UMPHAKATHI UYATHUTHUMELA KULANDELA UKUTHOLWA KWESIDUMBU SELUNGA LAWO

Umphakathi wase Magwaveni, oThongathi, usathuthumela namanje kulandela ukuthi kutholwe isidumbu sowesifazane oyilunga lawo,exhaphozini elingashoni ngo Msombuluko. Lona wesifazane oneminyaka engamashumi amane nambili ubudala kuthiwa ubegcine ukubonwa ethi kukhona asayokuthenga esitolo esikhona kulendawo kodwa akabange esabuya.

Kunemibiko ethi ngosuku anyamalale ngalo lona wesifazane,likhona izwakele izwi elizwakale limemeza kodwa  akekho ozihluphile ngokubheka ukuthi elikabani,nokuthi kwenzekani.

I Khansela lakulendawo u Yogis Govender lithi lesigameko sesiqubule ukuqagela okuningi emphakathini njengoba kukhona abafuna ukwazi ukuthi laba abakuzwile ukumemeza, bathuleleni bangawuthinta umkhandlu obhekele ukuphepha komphakathi. U Govender unxusa amaphoyisa ukuthi enze konke okusemandleni ukuqinisekisa ukuthi bayavalelwa abathintekayo ekushoneni kwalona wesifazane..

Amaphoyisa athi aseqale uphenyo ngalesigameko.