UMZAMBIYA USEWUBEKE ETHALA UMBHOBHO

U Nkosinathi Zwane odume ngelika Mzambiya, uthi usewubeke ethala umbhobho wokuba umculi we kwaito. 

Encwadini evulelekile, ayibhalele abalandeli bakhe, uthi ufinyelele kulesinqumo ngemumva kokuba ecabange kanzulu,wabona kufanelekile ukuthi athathe indlela ehlukile, abheke namathuba amasha. Ubonge bonke abamesekile kusukela engena emculweni ngonyaka ka 2000 kuze kube yimanje. Uthi nakuba eseshiyile yena kodwa inkampani yakhe i Earthnurture Records, izoqhubeka nokunikeza abaculi abasha ithuba.

U Mzambiya wazakhela igama ngokuba umculi wokuqala omncane,owangena emculweni we kwaito.Wafike wazitholela indawo ezinhliziyweni zabantu bakuleli ngamanoni afana nathi Zola, Of Love of Kwaito ne Jersey Number 10.