UPHENYO NGABASHONELE EZIKHUMULWENI ZEZINDIZA ZAKULELI

Inkampani ephethe izikhumulo zezindiza kuleli, i Airports Company South Africa, ithi selusezandleni zamaphoyisa udaba lwabantu abashonele ezikhumulweni zezindiza ezinkulu zakuleli, ngempelasonto.

E King Shaka International Airport, e Thekwini, kukhona okuthiwa uvele washayeka phansi, washona, endaweni eyamukela abafikayo. E OR Tambo International Airport, eGauteng, kukhona okuthiwa uthanqazeke phansi esuka esitezi sesihlanu, endaweni yokupaka izimoto. Bobabili labantu abakadalulwa ukuthi bangobani.

Okhulumela i ACSA, u Ernest Muliana, uthi akukaziwa okuyikona okuholele kulezigameko zombili. Uthi konke sekusingethwe abomthetho, nokuyibona okulindeleke ukuthi benze  uphenyo olunzulu.