USAQHUBEKA UMKHANKASO WOKUGASELA EMAJELE KUNGAZELELWE

U Khomishana woMnyango weZokuhlunyeleliswa kwezimilo kuzwelonke, u Makgothi Thobakgale, usewuchaze njengoyimpumelelo umkhankaso wokugasela emajele akuleli kungazelelwe. Ukusho loku gesikhathi izinhlaka ezahlukene zezokuphepha zigasele ejele lase Westville,e Thekwini nalapho kushaqwe khona inqwaba yezinto okungafanele zibe kulendawo.

U Thobakgale uthi lomkhankaso oqale ejele lase Goodwood e Cape Town ngenyanga edlule,wadlulela kwelase Sun City e Gauteng, ngaphambi kokuba uze e Westville, usazoqhubekela nakwamanye amajele kuzozonke izifunda.

Phakathi kwezinto ezishaqwe e Westville,kubalwa izidakamizwa, omakhalekhukhwini, umabonakude,izikhali nokunye okuningi okungavumelekile. U Thobakgale uqinisekise ngokuthi kuzophenywa ukuthi zonke lezinto zingena kanjani ngaphakathi ejele.