USAZOQHUBEKA NOKUNGABI NAYO IMEYA UMASIPALA WE THEKU

UMasipala weTheku ubukeka usazoqhubeka nokusebenza ngaphandle kokuba neMeya ewuholayo. Loku kulandela ukuthi kubhuntshe ngemizuzu yokugcina ukuqokwa kweMeya entsha obekulindeleke ukuthi kube namuhla, nokuwusuku lokuqala lokuhlala koMkhandlu ngemumva kokhetho.

Isihlalo seMeya sisale dengwane emasontweni amabili edlule ngesikhathi  uMxolisi Kaunda obesiqhoqhobele, esuswa. Kube sekuba nokuqagela okuningi ngokuthi ubani ozohlala kusona. Phakathi kwamagama okuvele ukuthi asigaqele,kukhona elika Nomusa Dube-Ncube obenguNdunankulu wesifundazwe, nelika Bheki Cele obenguNgqongqoshe wamaphoyisa kuzwelonke.

Kuvele ukuthi kukhona okusamele kwenziwe ngaphambi kokuba kuqokwe iMeya entsha,nokungavelanga ukuthi kuyini.

Abaningi bayakugxeka ukuthi uMasipala omkhulu kangaka,ungahlala isikhathi eside kangaka singavaliwe isikhundla esisemqoka njengalesi. Kukhona abakubona loku njengobudedengu okuzomele busukunyelwe,bulungiswe ngokushesha.