UYALWE NGABANGANI ABAMZUNGEZILE U SHEBESHXT

Intandokazi yomculi wakuleli u Shebeshxt uyalwe ngabangani abamzungezile ngesikhathi efihla indodakazi yakhe ngoMgqibelo,e Limpopo. 

Kuzokhumbuleka ukuthi indodakazi yalomculi u Onthatile washona ujuqu ngesikhathi imoto kababawakhe ibandakanyeka engozini enyantisa igazi. Kulengozi uShebeshxt walimala kanzima nokwaholela ekutheni angeniswe egumbini labagula kakhulu esibhedlela. Emngcwabeni wendodakazi yakhe ubeqhutshwa ngesihlalo esinamasondo futhi ubebonakala ukuthi usebuthakathaka.

Ethula inkulumo yakhe uSihlalo we-EFF, e Limpopo, uLawrance Mapoulo, utshele uShebeshxt ukuthi inkinga abhekene nayo eyokuthi uzungezwe abantu abangalungile.

“Kusukela lapha kuya phambili, akusamele ukuthi  uhambe wedwa, ungalokothi ushayele imoto uwedwa. Uma usuka lapha, kuzomele uzungezwe amadoda nabesifazane bangempela. Uyazi ukuthi bangobani futhi bakhona eduze kwakho."- kusho uMapoulo ngaphambi kokuba aphethe inkulomo yakhe ngokufisela lomculi ukululama okusheshayo.