UZOGUGELA EJELE OLAHLWE ELOKUBULALA INKOSIKAZI

INkantolo ephakeme yase Mgungundlovu imgixameze ngeminyaka engamashumi amabili nanhlanu ebhadla ejele owesilisa wase Ntshanga, olahlwe elokubulala owayeyinkosikazi yakhe.

Kulesigameko esenzeka eminyakeni emibili edlule, u Mthokozisi Nene owayeyiphoyisa, wadubula wabulala u Nompilo Nene. Ingxabano kubikwa ukuthi yaqutshulwa ukuthi u Nene afike nowesifazane ayethandana naye emzini wabo. Ngesikhathi kunokuqophisana ngamazwi,iNkosikazi ifuna incazelo ngesenzo sakhe,uNene kuthiwa wakhipha isibhamu wayidubula ebusweni.

Ngesikhathi ikhipha isigwebo iNkantolo, ithe okwenza yengeze ngeminyaka eishumi kulena eyishumi nanhlanu evamise ukunikezwa loluhlobo lwecala, ukuthi uNene wayengumuntu owaziyo umthetho kodwa wavumela ukuhluthuka kwenhliziyo. Ibe isimthola engakufanele ukuphatha isibhamu.