ZIMKHALELE OSOLWA NGOKUDLWENGULA EPHINDELELA

Amaphoyisa akwa Zulu Natal, agcine emvalelile owesilisa obesekuyisikhathi eside efunelwa uhide lwamacala okudlwengula ephindelela, nokubamba inkunzi. Lomlisa oneminyaka engamashumi amathathu nanye ubudala, usoleka emacaleni angamashumi amabili nesikhombisa okudlwengula.

Okhulumela amaphoyisa, u Robert Netshiunda, uthi lomlisa ubanjwe ehhostela i-Glebelands, lapho ebecashe khona ngemumva kokuthi kuhlaselwe owesifazane oneminyaka engamashumi amabili nesithupha ubudala, wadlwengulwa ngempelasonto. U Netshiunda uthi lomlisa waheha lona wesifazane ezinkundleni zokuxhumana, baze bavumelana ngokuthi bahlangane ngempelasonto. Ekuhlanganeni kwabo, umsolwa uyengele lona wesifazane ezinkundleni zemidlalo ezikulona leli hostela, nokuyilapho okuvela ukuthi umdlwengulele khona, wamphuca nempahla yakhe. 

Umsolwa ngesikhathi eboshwa, utholwe nomakhalekhukhwini walona wesifazane. Kulindeleke ukuthi avele eNkantolo kusasa.