ZIQINISIWE EZOKUPHEPHA KU FLORIDA ROAD

Izigameko zokubulawa kwabantu ngokudutshulwa emgwaqweni odume ngoezindawo zokuzijabulisa nezokudla ezisezingeni eliphezulu, uFlorida Road, sekuholele ekutheni kuqiniswe ezokuphepha.

Isigameko sayizolo ezintatha lapho kudutshulwe khona abantu abane, oyedwa washonela enkundleni,omunye washonela esibhedlela, ababili baphuthunyiswa esibhedlela, sithunuke amanxeba abengakapholi kwabaningi, okubulawa komculi owayeyintandokazi u Kiernan Forbes, owayaziwa ngelika AKA. Lomculi kanye nomngani wakhe u Tebello “Tibz” Motsoane, babulawela kuwona lomgwaqo ngo February wonyaka odlule.

Okhulumela i Urban ImprovementsPrecints, u Vanessa Knights, uthi kuningi osekwenziwe ukuzama ukuqeda ubugebengu kulendawo, okubalwa kukona ukunyuswa kwesibalo sonogada. Uthi kuyathokozisa ukuthi abantu sebezizwa bephephile uma bekulendawo.