ZIYAKHULA IZIGAMEKO ZOKUBULAWA KWABESIFAZANE NEZINGANE

Ngaphezu kwayo yonke imizamo esiyenziwe ukuzama ukulwisana nesihlava sokubulawa kwabesifazane nezingane kuleli, kubukeka sengathi usemkhulu umsebenzi okusamele wenziwe ukuze sigcine sinqotshiwe.

Esigamekweni sakamumva esenzeke ngempelasonto, nesishiye abaningi beshaqekile, kudutshulwe kwabulawa owesifazane nengane yakhe eneminyaka eyisithupha ubudala. Lona wesifazane ongu Zandile Ngcobo, ubeyisikhulu eMnyangweni we Zemisebenzi yoMphakathi kanti kubikwa ukuthi ubezithwele. Akukaziwa namanje ukuthi yini eholele kulesigameko ngoba ubesendlini yakhe ese Mgungundlovu ngesikhathi ebulawa.

U Ngqongqoshe woMnyango weZemisebenzi yoMphakathi kwaZulu Natal,u Martin Meyer, uthi ziyashaqisa kakhulu izigameko zaloluhlobo. Uthi okubi kakhulu ukuthi lesigameko senzeka ngesikhathi lapho kuqala khona umkhankaso wezinsuku eziyishumi nesithupha wokulwisana nokubulawa kwabesifazane nezingane.